Answers

2015-06-08T02:41:01+05:30

This Is a Certified Answer

×
Certified answers contain reliable, trustworthy information vouched for by a hand-picked team of experts. Brainly has millions of high quality answers, all of them carefully moderated by our most trusted community members, but certified answers are the finest of the finest.
Ek sabhyata kitni saksham hai, yeh kai cheezon par nirbhar karta hai. Unme se nishchit hi swachhta ek bada pahlooo hai. Kai purani sabhyataein jaise Mohenjodaro wa Indu Ghati sabhyata inki gawah hain. Dono hi sabhyataein nagaron ko swachh rakhne mein koi kasar nahin chodti thin. Isiliye unhe ati wikasit sabhyataon mein gina jaata hai.

Swachhata, jise angrezi mein 'Cleanliness' kaha jata hai, manav jivan ka atoot hissa hai. Safai zaruri hai sarvajanik swasthya ke liye.  Beshak hamari sanskriti swachhata ko aham karar deti hai, magar savajanik swachhata ka haal behaal hai. Yeh hairaani ki baat nahin hai ki aksar wo hi ilake beemaariyon se bhare hote hain jahan swachhta ko nazarandaz kiya gaya hota hai. In dinon, har insaan ko saakshar banana ek antarashtriya mishan hai.  Aakhir wahan saksharta kaise ho sakti hain jahan par log swastha na rah sakein?

Humein lagta hai ki saksharta bhi swacchata ko badhawa deti hai. Jo bhi insaan safai ke mahatwa ki jaankaari rakhta hai, us se yeh aasha ki ja sakti hain ki woh apne ghar, mohaalle aurnagar mein safai ka dhyan rakhega.Durbhagyawash, hota yeh hai ki bhale hi log apne ghar mein safai ke mudde par bal dete hain, parantu sarvajanijk sthanon par logon ka yeh jaagruk rawaiya khatam ho jaata hai. Asal mein jaise hi log ghar se bahar nikalte hain, unhe lagta hai ki ab swachhta ki zimmedaari sirf sarkaar ki hai, unki apni nahin. Iska yeh asar hota hai ki log apne gharon ko toh saaf rakhte hain, par usi gali jisme unka ghar hai use saaf rakhne ke baare mein nahin schte. Toh agar kabhi subah ghar ke bahar angdaai lete waqt appar upar se koooda vgir jaaye, toh aap iske pereche chipe manovigyan ko zarooor bhaanp sakte hai. Aakhir yeh kis tarah ki saksharta hai? 

Zaroori hai ki logon ko unke pados mein bhi safai ka mahatwa pata chale. Logon ko yeh samjhane ki zaroorat hai ki safai unki aur sarkaar - dono ki zimmedaari hai. Agar ham ek behtar zindagi chahte hain, toh yeh zaroori hai ki hum dosron p;ar dosharopan karne ke bajaay khud uthkar apne aur apne samaaj ke liye kuch karen aaur dooosron ko bhi prerit karen. Yehi hai saksharta, sahi maayanon mein, aur isi tarah ek swacch Nagar sakshar nagar kahala sakta hai.
15 3 15