Answers

2016-01-15T17:04:55+05:30
Nai Delhi: desh ke uttar aur poorvi ilaakon mein sardi ka kahar jaari hai. Uttar Bhaarat ke kai ilaakon mein paara 5 degree ke neeche chala gaya hai. uttar Bhaarat mein sardi ka sitm jaari hai. Delhi mein paara 2.4 degree pahunch gaya. 10 saalon mein yeh sabse thanda December hai. Punjab, Haryana, pashchim uttar pradesh aur Rajasthan mein sheetalahar jaari hai. In ilaakon mein raat ka taapamaan 4 degree celcius se bhi kam rah raha hai. mausam vibhaag ka anumaan hai ki mangalvaar se Jammu−Kashmir Himachal pradesh aur uttaraakhand mein ho rahi baarish aur barfabaari aur badegi. Saath hi Punjab, Haryana, Delhi aur uttari Rajasthan mein garaj se saath baarish hone ki bhi aashanka jataai ja rahi hai. vaheen poorvi Bhaarat ke kai raajyon mein ghana kohara chhaaya hua hai. Aaj subah se hi pashchim Bengal, sikkam, Bihar mein ghana kohara chhaaya hua hai. in ilaakon mein vijibliti 200 meter se kam hai. Vaheen pashchim Bengal ke kai shaharon mein vijibliti 50 meter se bhi kam hai. Kohare ki vajah se in ilaakon ka janajeevan ast-vyast ho gaya hai.
0