Answers

2016-05-08T13:29:54+05:30
Na maana tha ab tak k mai paraayi hu maa
Tera hi toh saaya hu mai, teri hi parchhaayi hu Maa

Nanhe nanhe kadam mere jab bhi ladkhadaaye hai
Teri ungli thaam hi toh aage chal paayi hu Maa

Pyaar mila jo mujhe teri mamta ki chhav mein
Uske hi toh har pal mai muskurayi hu Maa

Kar k kanya-daan, jis pal vidaa kiya tune mujhe
Tera hi aashish le apni nayi duniya mein aayi hu Maa

Phir aaj kyu hua khuch aisa,
k khud ko mehsoos kar rahi hu paraayi mai Maa
Kyu aaj aansu mere tum dekh na paayi Maa

Kyu aaj fark tum bete-beti mein kar gayi Maa
Aaj kaise apni beti ko paraya tum kar gayi Maa

Gar tum mujhe samjhati toh kya mai na samajh paati Maa
Kyu apni beti ko paraya tum kar gayi Maa.....

0